Арсенал Алена Дэлона, лятучае аўто і любоўная інтрыжка ў The Beatles — #ІхНоравы
![Замежныя навіны](/sites/default/files/styles/gallery_main/public/2024-02/ui12389.jpg.webp?itok=hk_65Ieo)
Замежныя навіны / @rubanau_collage
У 2025 годзе ў свеце можа з'явіцца лятучы аўтамабіль, прэзентацыя якога адбылася ў Барселоне. Тым часам Еўрасаюз стаў першым міжнародным органам, які ўводзіць крымінальную адказнасць за шкоду, нанесеную людзьмі навакольнаму асяроддзю.
Пра што пісалі Джордж Харысан і Эрык Клэптан у любоўных лістах сваёй музе — мадэлі Паці Бойд — і колькі агнястрэльнай зброі захоўваў у сябе дома 88-гадовы Ален Дэлон? Падрабязней пра ўсё гэта чытайце ў пастаяннай рубрыцы Еўрарадыё "Іх норавы".
Любоўныя лісты ад Джорджа Харысана і Эрыка Клэптана выставілі на аўкцыён
Брытанская фотамадэль Паці Бойд выставіла на аўкцыён любоўныя лісты ад Джорджа Харысана і Эрыка Клэптана.
Бойд натхняла абодвух музыкаў. Напрыклад, пад уплывам яе чараў Харысан напісаў хіт Something, а Клэптан — Wonderful Tonight і Layla.
Спачатку Паці была замужам за Джорджам, але Эрык, які сябраваў з ім, актыўна дамагаўся яе ўвагі, адпраўляючы Паці палкія лісты. Джордж не адставаў.
"Спадзяюся, ты ў парадку, я сумую. І я галодны — шмат-шмат смажаных сэндвічаў з сырам. Кахаю цябе", — абвяшчае адна з паштовак ад Харысана.
![Арсенал Алена Делона, летающее авто и любовная интрижка в The Beatles — #ИхНравы](/sites/default/files/styles/default_image_paragraph/public/paragraphs/image/list1_1.png.webp?itok=pDaTCE0r)
Паліцыя знайшла калекцыю зброі ў доме Алена Дэлона
Паліцыя канфіскавала 72 адзінкі агнястрэльнай зброі ў доме легендарнага французскага актора Алена Дэлона. Пракуроры сцвярджаюць, што ў 88-гадовага Дэлона няма дазволу на валоданне такім сховішчам.
У доме акцёра таксама знайшлі больш за 3000 патронаў.
Лятучы аўтамабіль — ужо не сон
Распрацоўшчыкі лятучага аўтамабіля плануюць наладзіць вытворчасць ужо ў 2025 годзе. Адзін такі праект быў прадстаўлены на Сусветным мабільным кангрэсе ў Барселоне.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.