Арсень Яцанюк прызначаны прэм'ер-міністрам Украіны, склад ураду зацверджаны
За яго кандыдатуру ў Вярхоўнай Радзе прагаласавала рэкордная колькасць дэпутатаў — 371.
У сваім выступе яшчэ перад галасаваннем Арсень Яцанюк заявіў, што не будзе балатавацца на пасаду прэзідэнта Украіны. Таксама ён здае мандат дэпутата Вярхоўнай Рады Украіны.
331 дэпутат зацвердзіў склад ураду Яцанюка.
Нагадаем, што 27 лютага ў Вярхоўнай Радзе была сфармаваная і зарэгістраваная кааліцыя "Еўрапейскі выбар". У яе ўвайшлі 250 дэпутатаў. У кааліцыю ўвайшлі фракцыі "Бацькаўшчына", УДАР, "Свабода", групы "Эканамічнае развіццё", "Суверэнная еўрапейская Украіна" ды іншыя.
Фота — ria.ru
