Архітэктары з Італіі атрымалі ўзнагароду за VIP-залу мінскага аэрапорта
Нацыянальны аэрапорт Мінск / Recs Architects
Італьянскае архітэктурнае бюро Recs Architects здабыла ўзнагароду прэстыжнага міжнароднага конкурсу A' Design Award за працу над віп-залай у мінскім аэрапорце, піша выданне Republica. A' Design Award — гэта міжнародная прэмія, якая прысуджаецца ў сферах дызайну і архітэктуры.
Над праектам VIP-залы ў Нацыянальным аэрапорце Мінск працавала італьянская студыя Recs Architects.
"Гэта брама да падарожжаў і зносін для міжнароднай эліты. Тут людзі пачынаюць адчуваць Беларусь і тут людзі кідаюць апошні позірк на Беларусь перад вяртаннем дадому", — гаворыцца ў апісанні праекта на сайце A' Design Award.
У прыватным тэрмінале ёсць зала для прыёмаў, гасцёўня, бар, канферэнц-зала, туалет, калідор на першым паверсе і VIP-зала для патрабавальных падарожнікаў.
Пасля прымусовай пасадкі самалёта Ryanair напрамкі вылетаў, як і магчымасць для зносін сусветных элітаў у Нацыянальным аэрапорце Мінск значна скараціліся.
