Апублікаваныя вынікі службовай праверкі ў "Экамедсэрвісе"

Дакумент апублікавала "Наша Ніва". Пачытаць яго цалкам можна тут.

Цяпер следства мае высветліць, наколькі высновы, зробленыя Міністэрствам аховы здароўя, справядлівыя. Дарэчы, у рашэнні міністэрства гаворыцца пра віну анестэзіёлага. Між тым Следчы камітэт пастанавіў арыштаваць не толькі яго, але і медсястру, якая яму дапамагала, а таксама саму дырэктарку цэнтра, а ў мінулым начальніцу аднаго з упраўленняў таго самага міністэрства Галіну Валжанкіну.

У дакуменце гаворыцца: "Анестэзіялогія пацыентцы К. праводзілася на тэхнічна няспраўным апараце". Арганізацыю меддапамогі пацыентцы К. у "Экамедсэрвісе" прызналі не адпаведнай нарматыўным дакументам.

Нагадаем, што 23-гадовая Юлія Кубарава памерла пасля аперацыі па карэкцыі формы носа ў "Экамедсэрвісе".