Апублікаванае пагадненне аб аказанні КНР Беларусі "тэхніка-эканамічнай дапамогі"
![Такім мусіць быць Нацыянальны футбольны стадыён / mip.by](/sites/default/files/styles/gallery_main/public/2023-08/f8bfff9xmdwjg2fpuo0wdj5fg4wni8qx.jpg.webp?itok=P2wkWfBQ)
Такім мусіць быць Нацыянальны футбольны стадыён / mip.by
Кітай выдасць Беларусі $51,7 млн (350 млн юаняў) на будаўніцтва Нацыянальнага футбольнага стадыёна і басейна міжнароднага стандарту ў Мінску. Пагадненне пра гэта было заключанае яшчэ ў лістападзе 2022 года, але апублікаванае на Нацыянальным прававым інтэрнэт-партале толькі цяпер.
Грошы ў ім называюцца "тэхніка-эканамічнай дапамогай". Верагодна, яны пойдуць на аплату працы кітайскіх падрадчыкаў, якія займаюцца будоўляй згаданых аб'ектаў у сталіцы Беларусі (раптоўна ўзнік "недахоп фінансавання"). Стадыён збіраюцца здаць у 2023-м. Летась там адбыўся пажар.
"Вось Нацыянальны стадыён, хутка ён з'явіцца. Хто там будзе гуляць?", — пытаўся ў снежні 2022-га Аляксандр Лукашэнка ў чыноўнікаў, адказных за спартыўную галіну. Як вядома, беларускі спорт знаходзіцца пад санкцыямі. Тая ж нацыянальная футбольная зборная вымушана праводзіць свае хатнія матчы за мяжой.
![Апублікаванае пагадненне аб аказанні КНР Беларусі "тэхніка-эканамічнай дапамогі"](/sites/default/files/styles/default_image_paragraph/public/paragraphs/image/66_16.jpg.webp?itok=2ule3Fh0)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.