Аляксандра Якабсона знялі з кіраўніцтва Дзяржкантролю
Адпаведны ўказ падпісаў 18 жніўня Аляксандр Лукашэнка, інфармуе прэс-служба прэзідэнта.
Паведамляецца, што Якабсон вызвалены ад пасады ў сувязі з пераводам на іншую працу.
Выканаўцам абавязкаў старшыні Камітэта дзяржкантролю прызначаны першы намеснік старшыні КДК Леанід Анфімаў.
Нагадаем, што Якабсон кіраваў Дзяржкантроем са снежня 2010 года. Да таго часу ён больш за 9 гадоў быў старшынёй Гомельскага аблвыканкама.
Фота — kgk.gov.by
