Вы тут

Аляксандр Лукашэнка ўхваліў змены ў пагадненне з Расіяй аб пастаўках газу

Аб'ёмы паставак і транзіту ў 2020-м захаваліся на ўзроўні 2019 года / БЕЛТА

Аляксандр Лукашэнка падпісаў указ аб адабрэнні праекта пратакола аб унясенні змянення ў пагадненне паміж Расіяй і Беларуссю аб пастаўках газу. Дакумент апублікаваны ў суботу, 25 студзеня, на Нацыянальным прававым інтэрнэт-партале.

Гаворка ідзе аб парадку фарміравання цэн (тарыфаў) пры пастаўцы прыроднага газу ў Беларусь і яго транспарціроўцы па газаправодах, якія размешчаны на тэрыторыі Беларусі.

Кіраўнік дзяржавы даручыў ураду арганізаваць перамовы па праекце пратакола, дазволіўшы ўнесці ў яго пры неабходнасці змены, якія не маюць прынцыповага характару.

Сёння ўказ ўступіў у законную сілу.

 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.