Аляксандр Лукашэнка сёння наведае завод "Керамін"
Кіраўнік Беларусі азнаёміцца з фінансава-вытворчым станам прадпрыемства, працэсам вытворчасці найновых узораў прадукцыі.
Таксама Лукашэнку паведамяць пра перспектывы развіцця прадпрыемства і пра выкананне яго даручэнняў па рэканструкцыі прадпрыемства, паведамляе БЕЛТА.
"Керамін" заснаваны ў 1950 годзе, ён спецыялізаваўся на выпуску будаўнічай цэглы. У наш час прадпрыемства з'яўляецца вядучым прадпрыемствам па выпуску будаўнічых матэрыялаў у Беларусі і краінах блізкага замежжа. Тут вырабляецца шырокі асартымент керамічнай пліткі для падлог і сцен, керамічнага граніту, керамічнай цэглы, санітарных тэхнічных вырабаў.
Доля дзяржаўнай уласнасці ў статутным фондзе "Кераміна" складае 57%.
Фота — daylife.com
