Аляксандр Лукашэнка: "Нас ракам паставілі па вуглевадародах" (відэа)
"Выбачайце, нас ракам паставілі па вуглевадародах, і ніхто на гэта не паглядзеў — пляваць на ўсе саюзы і іншае. А мы дрыжым, баімся сваю краіну абараніць."
Так эмацыйна Аляксандр Лукашэнка апісаў праблемы ў энергетычнай сферы, калі наведваў Шклоў 24 студзеня. Абурэнне кіраўніка Беларусі выклікала пазіцыя Расіі ў сферы паставак нафты і газу ў нашу краіну. Як вядома, з 1 студзеня Расія спыніла пастаўкі нафты.
"Хопіць глядзець па баках і быць пухнатымі і белымі. У нас ёсць свае інтарэсы, сваю дзяржаву і свой народ, і мы павінны іх абараніць, чаго б нам гэта ні каштавала", — цытуе тэлеканал СТБ словы кіраўніка дзяржавы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
