Алесь Бяляцкі не збіраецца пакідаць Беларусь
Пра гэта экс-палітвязень паведаміў на сваёй першай пасля вызвалення прэс-канферэнцыі 23 чэрвеня.
Бяляцкі заявіў, што для яго важная атмасфера Беларусі, а на Захадзе ён пачуваецца не ў сваёй талерцы.
Таксама ён адзначыў, што плануе займацца праваабарончай дзейнасцю, як і да арышту. "Гэта будзе асноўная мая праца", — заявіў Бяляцкі. Акрамя таго, ён плануе працягваць літаратуразнаўчую працу. Нагадаем, што з турэмных артыкулаў і нарысаў Бяляцкага яго паплечнікі выдалі кнігу "Асвечаныя Беларушчынай".
