Актывізавалася супрацоўніцтва Беларусі і ЕС у сферы аховы здароўя
Міністэрства аховы здароўя нашай краіны і Прадстаўніцтва Еўрасаюза ў Мінску падпісалі праграму супрацоўніцтва на 2014-2017 гады.
Як паведамляе "Интерфакс-Запад", рашэннем Еўракамісіі зацверджаная праграма дзеянняў ЕС для Беларусі "Міжнародная акрэдытацыя лабараторый для выпрабоўвання прадукцыі медычнага прызначэння і падтрымка аховы здароўя". Праграма, якую распрацавалі Міністэрства аховы здароўя Беларусі і Прадстаўніцтва Еўрасаюза, мае на мэце найперш умацаванне інфраструктуры забеспячэння якасці фармацэўтычнай прадукцыі.
Агульны бюджэт праграмы на чатыры гады складзе 8,3 млн еўра.
Адзначаецца, што супрацоўніцтва Беларусі і Еўрасаюза ў сферы аховы здароўя ў 2013 годзе актывізавалася.
Фота — bymedia.net
