Актывістку прафсаюза РЭП асудзілі на два гады калоніі
![Актывістку прафсаюза РЭП асудзілі на два гады калоніі](/sites/default/files/styles/gallery_main/public/2023-08/michniuk-1805.jpg.webp?itok=nJF4_8fT)
Актывістку прафсаюза РЭП Зінаіду Міхнюк асудзілі на два гады калоніі. Яе прызнаді вінаватай у абразе Аляксандра Лукашэнкі (ч. 1 арт. 368 Крымінальнага кодэкса).
Працэс прайшоў за адзін дзень у судзе Ленінскага раёна Брэста.
60-гадовую прафсаюзную актывістку затрымалі 25 сакавіка 2022 года пасля ператрусаў у яе дома і на офісе арганізацыі. Да суда яна была ў СІЗА №7 Брэста.
Як паведамлялася, абвінавачванне ёй было выстаўленае на падставе тэлефоннага праслухоўвання.
Дарэчы, сам прафсюз РЭП 11 красавіка быў дададзены ў спіс тэрарыстычных арганізацый на падставе рашэння КДБ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.