Адкрыццё Zaborа ў Гродне прыцягнула дзясяткі мінакоў (фота)
Вялізныя амаль 4-метровыя вінілавыя рэпрадукцыі з'явіліся 25 кастрычніка на плоце цэнтральнага парку імя Жылібера.
З сённяшняга дня гродзенцы могуць убачыць 42 карціны пяці вядомых беларускіх мастакоў па-за сценамі галерэй. Да Руслана Вашкевіча, Сяргея Каваля, Уладзіслава Стальмахова і Віктара Альшэўскага з серыяй сваіх маленькіх гравюр “Хічкок і Далі” далучыўся гродзенскі графік Юрый Якавенка.
Арт-праект носіць асветніцкую мэту, каб паказаць беларусам, што ў краіне сучаснае мастацтва існуе, і яно вельмі рознае. У гэтым годзе падобныя вулічныя выставы ўжо прайшлі ў Віцебску, Магілёве і Гомелі.
Выстава Zabor будзе доўжыцца да Новага года.
