86 абстрэлаў за суткі — расіяне працягваюць біць па Херсоне і вобласці
![Наступствы ўчорашняга абстрэлу Херсона / @tymoshenko_kyrylo](/sites/default/files/styles/gallery_main/public/2023-08/%D1%81h_15_12_2.jpg.webp?itok=UXXz1dR3)
Наступствы ўчорашняга абстрэлу Херсона / @tymoshenko_kyrylo
У выніку абстрэлу Херсона сёння загінулі два чалавекі, піша Hromadske са спасылкай на намесніка кіраўніка Офіса ўкраінскага прэзідэнта Кірыла Цімашэнку. Загінулыя — 32-гадовая парамедык і мужчына 70 гадоў. Расійскі снарад трапіў у месца, дзе быў размешчаны медпункт і адбывалася выдача гуманітарнай дапамогі. Загінулы мужчына, імаверна, атрымліваў гуманітарную дапамогу.
Яшчэ два чалавекі атрымалі мінна-выбуховыя і чэрапна-мазгавыя траўмы. У пацярпелай жанчыны яшчэ і аскепкавыя раненні твару. Яны ў бальніцы.
Расіяне сышлі з Херсона, але працягваюць яго абстрэльваць. Hromadske піша, што за суткі расійскія вайскоўцы 86 разоў абстралялі тэрыторыю Херсонскай вобласці: адкрывалі агонь з артылерыі, РСЗА, танкаў, мінамётаў, атакавалі дронамі. Мясцовыя паблікі паведамляюць, што Херсон цалкам абясточаны. Працягваюцца моцныя абстрэлы аб'ектаў крытычнай інфраструктуры ў Карабельным раёне горада.
![86 обстрелов за сутки — россияне продолжают бить по Херсону и области](/sites/default/files/styles/default_image_paragraph/public/paragraphs/image/ch_15-12.jpg.webp?itok=edcArWuK)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.