8 снежня ў Беларусі захаваецца вецер парывамі да 15-20 м/с
На 8 снежня сіноптыкі абвясцілі аранжавы ўзровень небяспекі, перадае БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак чакаецца пераменная воблачнасць, будзе пераважна без ападкаў. Месцамі па Брэсцкай вобласці магчымы слабы туман. Вецер прагназуецца паўночна-заходні 5-10 метраў за секунду, уначы парывы да 14 метраў за секунду, па ўсходзе краіны — да 15-20 метраў за секунду.
Тэмпература паветра ўначы складзе ад -1 да +5 градусаў. Днём будзе +1...+7 градусаў.
Фота: tema.ru
