28 снежня ў Беларусі чакаецца мокры снег
28 снежня ў нашай краіне будзе пераважна хмарнае надвор'е, інфармуе Белгідрамет.
Чакаецца снег, мокры снег, па паўднёва-заходняй палове — з дажджом. Прагназуюцца слабыя туман і галалёд. Месцамі па ўсходзе краіны — наліпанне мокрага снегу, на асобных участках дарог — галалёдзіца. Вецер будзе паўднёвы, днём з пераходам на паўночны ўмераны, па захадзе парывісты.
Тэмпература паветра на працягу сутак будзе вагацца ад 4 градусаў марозу да 2 цяпла. Па паўднёвым захадзе чакаецца 3-5 вышэй за нуль.
