18:40 Мядзельская ДАІ падаравала дзецям флікеры
Акцыю “Добрая
дарога” правялі 20 лютага супрацоўнікі Мядзельскай дзяржаўтаінспекцыі для
дзяцей, якія адпачываюць у лагеры “Зубраня”.
608 школьнікам лютаўскай змены,
што прыехалі сюды з ўсёй Беларусі, ДАІшнікі не толькі расказалі пра тое, як сябе паводзіць
на дарозе, і пра неабходнасць выконваць правілы бяспекі, але і
падаравалі святлоадбівальныя элементы — флікеры.
Па словах начальніка
Мядзельскай ДАІ Андрэя Чарняўскага, акцыю такога кшталту яны праводзяць
упершыню. Раней навучальная праца з дзецьмі абмяжоўвалася адной зменай у
“Зубраняці” навучэнцаў профільных класаў ДАІ і рэдкімі наведваннямі
інспектарамі школ.
