З'явіліся здымкі са спадарожніка "Лініі Хрэніна" ў Гомельскай вобласці
![Абарончая лінія ў 20 кіламетрах ад украінскай мяжы / svaboda.org](/sites/default/files/styles/gallery_main/public/2023-08/L01.jpg.webp?itok=UL2QYVTB)
Абарончая лінія ў 20 кіламетрах ад украінскай мяжы / svaboda.org
Радыё Свабода апублікавала здымкі са спадарожніка так званай "Лініі Хрэніна" ў Гомельскай вобласці, якія 25 траўня зрабіла кампанія Planet Labs. Агульная даўжыня абарончай лініі складае каля двух кіламетраў (400 метраў заходняя частка і 1600 метраў — усходняя). Яна знаходзіцца ў 10 км ад Гомеля і ў 20 км ад мяжы з Украінай. Абарончая лінія складаецца ў тым ліку і з супрацьтанкавых "зубоў цмока", якія мусяць замарудзіць прасоўванне бронетэхнікі праціўніка.
Пра "Лінію Хрэніна" стала вядома ў траўні. Нядаўна міністр абароны Віктар Хрэнін на Гомельшчыне праводзіў збор з вайсковымі камісарамі і кіраўнікамі абласцей. Яны аглядалі і згаданыя збудаванні каля вёскі Калініна. Заяўлялася, што гэта "ўмацаваны раён".
Выданне адзначае, што большая частка акопаў знаходзіцца ў непасрэднай блізкасці да жылых дамоў.
![З'явіліся здымкі са спадарожніка "Лініі Хрэніна" ў Гомельскай вобласці](/sites/default/files/styles/default_image_paragraph/public/paragraphs/image/L02.jpg.webp?itok=jS8tOsib)
![З'явіліся здымкі са спадарожніка "Лініі Хрэніна" ў Гомельскай вобласці](/sites/default/files/styles/default_image_paragraph/public/paragraphs/image/L03.jpg.webp?itok=GkthdeKO)
![З'явіліся здымкі са спадарожніка "Лініі Хрэніна" ў Гомельскай вобласці](/sites/default/files/styles/default_image_paragraph/public/paragraphs/image/L04.jpg.webp?itok=Uc96CMSe)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.