Вы тут

У Гродзенскім дзіцячым хоспісе выламалі дзверы

У Гродзенскі дзіцячы хоспіс узламалі дзверы / кадр з відэа

Невядомыя людзі ўзламалі дзверы ў памяшканні, якія займаў Гродзенскі дзіцячы хоспіс. Відэа апублікавала ў Фэйсбуку дырэктарка ўстановы Вольга Вялічка, якая была вымушаная эміграваць за мяжу ад пераследу.

Па таймеры ў левым верхнім кутку бачна, што адбылося гэта ў пятніцу 12 сакавіка пасля 17:00. 

Вольга Вялічка ўдзельнічала ў мірных акцыях пратэсту і публічна выступіла супраць гвалту сілавікоў. Пасля гэтага на яе пачалі крымінальную справу па эканамічным артыкуле, і жанчына была вымушаная эміграваць. 

Сам хоспіс высяляюць з гродзенскай дзіцячай палкілінікі №2, дзе ён арандаваў памяшканні. Пракуратура падала на хоспіс у суд, каб прымусова скасаваць дамову на арэнду памяшканняў і выселіць яго.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.