З’явілася відэа паслання Аляксандра Лукашэнкі і яго адказаў на пытанні

З’явілася відэаверсія паслання Аляксандра Лукашэнкі. З ім ён звярнуўся ў пятніцу да парламента і народа. Відэа, падрыхтаванае тэлеканаламі АНТ і "Беларусь 1", мае працягласць 2 гадзіны. Лукашэнка выступаў каля 2,5 гадзін, яго выступ трансляваўся ў жывым эфіры. Пасля гэтага кіраўнік дзяржавы больш за гадзіну адказваў на пытанні дэпутатаў і сенатараў (ёсць і пытанне дэпутата, сябра АГП Ганны Канапацкай), аднак трансляцыі ўжо не было. У відэаверсіі ёсць адказы Аляксандра Лукашэнкі на пытанні.