Звольнілі прэс-сакратарку Мінсельгасхарча, якая абклала мацюкамі журналіста

На просьбу пра каментар Берашчэнка адказала: "Перастаньце вы займацца гэтай х***ёй, дзе ёй не трэба займацца... На***уй вам той каментар?". "НН" выклала аўдыёзапіс размовы. На наступны дзень пасля публікацыі Зінаіда Берашчэнка выбачылася за сваю эмацыйнасць праз Facebook. Рэдакцыя “Нашай Нівы” звярнулася да міністра сельскй гаспадаркі з просьбай прыцягнуць прэс-сакратарку да дысцыплінарнай адказнасці і не працягваць з ёй працоўны кантракт (на гэтай пасадзе яна працавала каля 5 гадоў). Спачатку з сайта міністэрства знікла згадка пра Берашчэнка, а пасля стала вядома, што яна больш там не працуе.