Жыхар Брэсцкай вобласці кінуў нож у міліцыянта
![Нож, ілюстрацыйнае фота](/sites/default/files/styles/gallery_main/public/2023-10/knife_23_10.jpg.webp?itok=9eZvu8j3)
Нож, ілюстрацыйнае фота / pixabay.com
Нараду міліцыі з Ляхавіцкага РАУС, які выехаў на бытавы скандал, давялося выклікаць падмацаванне. У супрацоўніка міліцыі на месцы здарэння паляцеў нож.
Першапачаткова міліцыю ў вёску Вялікае Падлессе выклікала жанчына. Яна скардзілася на 36-гадовага сына, казала, што ён нецвярозы і вымагае грошы. На месца выехалі ўчастковы і аператыўнік. Мужчына размаўляць з імі адмовіўся, "на патрабаванні супакоіцца кінуў у іх нож, пагражаў", кажуць у Брэсцкім УУС. Сілавікі выклікалі падмацаванне, пасля чаго мужчыну забралі ў ІЧУ.
Медагляд паказаў, што ў арганізме ў яго было 1,7 праміле алкаголю. Супраць мужчыны завялі крымінальную справу паводле артыкула "пагроза ўжывання гвалту ў дачыненні да супрацоўніка АУС".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.