Жыхар Ліды атрымаў моцныя апёкі, прыкурваючы ад газавай пліты
![Жыхар Ліды атрымаў моцныя апёкі, прыкурваючы ад газавай пліты](/sites/default/files/styles/gallery_main/public/2023-08/2012-10-24_pokupaem_gazovuyu_plitu.jpg.webp?itok=cK9aacAP)
67-гадовы жыхар Ліды атрымаў моцныя апёкі, падпальваючы цыгарэту ад шазавай пліты. Пра гэта паведамляе прэс-служба МНС.
“10 траўня ў 11:30 лідскім выратавальнікам паступіла паведамленне аб тым, што ў прыёмны пакой раённай бальніцы паступіў 67-гадовы лідчанін з тэрмічным апёкам 3 ступені шыі, твару, валасоў галавы, абодвух перадплеччаў (усяго 21% цела)”, — паведамляе прэс-служба.
Па папярэдніх дадзеных, калі пенсіянер прыпальваў цыгарэту ад газавай пліты, адбылася ўспышка газапаветранай сумесі, з-за чаго мужчына і атрымаў апёкі. Стан пацярпелага цяжкі.