Вы тут

Жыццё стала горшым, а за "выратаванне" эканомікі ўладамі беларусы заплацяць яшчэ

Больш грошай у беларусаў у найбліжэйшы час наўрад ці стане / калаж Улада Рубанава, Еўрарадыё

Пакуль курс долара ўпаў, самы час схадзіць у абменнік, лічыць эканаміст Яраслаў Раманчук. Бо заробкі беларусаў не паспяваюць даганяць цэны, а Нацбанк ужо расказаў пра тое, што дзяржпрадпрыемствы падтрымліваюць крэдытамі.

Еўрарадыё даведалася, як вайна і санкцыі паўплывалі на жыццё беларусаў, каму перажываць крызіс цяжэй і як беларусы зноў заплацяць за "эфектыўны менеджмент" уладаў.
 

"На звычайную закупку трэба патраціць ужо не 50, а 70 рублёў"

Моцна даражэюць гародніна і садавіна / Еўрарадыё

У сакавіку рэальныя заробкі беларусаў упалі на 3,4%, паведамляе Белстат. А па красавіцкіх звестках апытанняў BEROC (Кіеў), 20% рэспандэнтаў эканомяць на ежы. Пры гэтым не ўсім аднолькава цяжка, адзначае акадэмічная дырэктарка BEROC Кацярына Барнукова.

— У кагосьці даходы выраслі, а ў кагосьці істотна ўпалі. Калі паглядзець на статыстыку сакавіка, то ў нафтаперапрацоўцы рэальнае падзенне ўжо большае за 10 адсоткаў.

Заўважаюць падзенне даходаў звычайна праз рост цэн. Бо намінальна заробкі ў асноўным не падаюць ці нават растуць.

— Але ты проста прыходзіш у краму і разумееш, што на звыклыя 50 рублёў цяпер можаш купіць значна менш. І на звычайную закупку трэба патраціць ужо не 50, а 70 рублёў.

На думку Яраслава Раманчука, звесткам Белстата зусім не варта верыць. Пасля вайны ўсё нашмат горш, чым адлюстроўвае статорган, упэўнены эксперт.

Кампаніі вымушаныя зніжаць аб'ёмы вытворчасці / Еўрарадыё

Па сектарах горш прыватнаму, паколькі дзяржава падтрымлівае сваіх. Праз дзяржпадтрымку ўзлёту беспрацоўя не відаць.

Нацыянальны банк / Еўрарадыё

На адных запасах дзяржпрадпрыемствы ўсё ж жыць не могуць. Нацбанк расказаў, што крэдыты кампаніям выдаюцца. Наколькі гэта эфектыўна, можна меркаваць па досведзе мінулых гадоў. Часта гэта безвыніковыя ўліванні, за якія беларусы заплацяць інфляцыяй і дэвальвацыяй.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.