Журналіст без дыплома — прысуд?
Заснавальнік кыргызскага Kloop Бектур Іскандэр
На матэрыялы Kloop спасылаюцца сусветныя медыя, нават не здагадваючыся пра тое, што над многімі з іх працуюць школьнікі і студэнты. Бектур Іскандэр заснаваў выданне ў 2007 годзе. З тых часоў яно стала самым папулярным у Кыргызстане.
Kloop вядомы тым, што адыграў вялікую ролю ў асвятленні другой кыргызскай рэвалюцыі ў 2010-м — на працягу сутак ён быў адзінай крыніцай інфармацыі. У апошнія пяць гадоў выданне выпускае самыя рэзанансныя расследаванні. Адным з герояў расследаванняў ужо быў былы прэзідэнт Алмазбек Атамбаеў, які назваў Kloop "правакатарамі" і "клапамі на целе Кыргызстана". Нягледзячы на публічныя пагрозы, Kloop працягвае існаваць, аўтары выйграюць міжнародныя конкурсы, а дыпломы іх нікога не хвалююць. Няўжо такое магчыма?
