Жонка палітвязня Дар'я Лосік звольнілася з баранавіцкай паліклінікі
З баранавіцкай паліклінікі звольнілася Дар'я Лосік — жонка палітвязня Ігара Лосіка.
Дар’я напісала, што звольнілася па сваёй ініцыятыве, не чакаючы, пакуль яе "папросяць". Як эканаміст яна працавала з бюджэтам, які вылучаўся на ўстанову.
Таксама Дар'я кажа, што хоць нейкую дапамогу ёй прапанавалі толькі пры звальненні — праз 18 месяцаў пасля затрымання мужа.
Ігар Лосік — фрылансер Радыё "Свабода", асуджаны на 15 гадоў па абвінавачанні ў арганізацыі масавых беспарадкаў і распальванні варожасці.
