Зборная Іспаніі стала пераможцам футбольнай Лігі нацый
Іспанцы выйгралі чарговы трафей / Reuters
Зборная Іспаніі стала пераможцам Лігі нацый УЕФА. У фінале ў Ротэрдаме па пенальці (5:4) была абыграная Харватыя (у асноўны і дадатковы час галоў не забілі).
Бронзу выйграла зборная Італіі, якая ў матчы за трэцяе месца перамагла Нідэрланды — 3:2.
Гэта быў трэці ў гісторыі розыгрыш Лігі нацый. Раней перамагалі зборныя Партугаліі і Францыі. Дагэтуль у іспанцаў было срэбра.
