Вы тут

Затрыманы журналіст "Трыбуны" і футбаліст "Крумкачоў" Аляксандр Івулін

Аляксандр Івулін у форме "Крумкачоў"

У Мінску затрыманы журналіст "Трыбуны" і футбаліст "Крумкачоў" Аляксандр Івулін. Разам з ім у кватэры людзі ў цывільным затрымалі мантажора праекта "ЧестнОК" Яраслава Пісарэнку (у жніўні ён сышоў з Белтэлерадыёкампаніі, дзе быў вядучым навінаў), паведамляе "Трыбуна".

Сілавікі прыйшлі каля 13-й праводзіць ператрус, у якасці панятых запрашалі суседзяў. Каля 16-й гадзіны Івуліна (яго выводзілі ў кайданках) і Пісарэнку звезлі на двух аўтамабілях. Яны знаходзяцца на Акрэсціна.

Аляксандр Івулін — аўтар праекта "ЧестнОК" на YouTube. Сёлета ён паспрабаваў сябе, як футбаліст у складзе футбольнага клуба першай лігі беларускага чэмпіянату "Крумкачы". Нядаўна журналіст і блогер забіў свой першы гол.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.