Затрыманы сябар алігарха Чыжа гандляр нафтапрадуктамі Аляксей Алексін
Следчы камітэт затрымаў яго ў рамках расследавання крымінальнай справы намесніка старшыні канцэрна "Белнафтахім" Уладзіміра Волкава.
Заснавальнік шэрагу прадпрыемстваў, якія займаюцца рэалізацыяй нафтапрадуктаў, затрыманы ў якасці падазраванага. Пра гэта інфармуе БелаПАН са спасылкай на афіцыйную прадстаўніцу Следчага камітэта Юлію Ганчарову. Іншых каментароў па гэтай справе пакуль няма.
Волкава на гэтым тыдні затрымалі ў яго службовым кабінеце пасля атрымання ім чарговай часткі хабару. Сума незаконна атрыманых ім грашовых сродкаў з лютага па кастрычнік склала 19 тысяч долараў.
