Затрымалі за лістоўкі пра Лукашэнку: "Падазраецца ў антынароднай дзейнасці"
![Беларусы працягваюць пратэставаць, у асноўным у інтэрнэце / Карыкатура dw.com](/sites/default/files/styles/gallery_main/public/2023-08/54595830_605.jpg.webp?itok=9FWfA2AK)
Беларусы працягваюць пратэставаць, у асноўным у інтэрнэце / Карыкатура dw.com
Міліцыя пры падтрымцы амапаўцаў затрымала хлопца, якога абвінавачваюць у распаўсюдзе лістовак з "паклёпам" на Аляксандра Лукашэнку. Ён іх распаўсюджваў выключна ў інтэрнэце.
Сілавікі паказалі нават іх змест: "Увага! Асабліва небяспечны! Падазраецца ў антынароднай дзейнасці і шэрагу іншых цяжкіх злачынстваў... Лічыць, што Беларусь яго асабістая ўласнасць".
Раней малады чалавек быў асуджаны за ўдзел у пратэстах па артыкуле "удзел у дзеяннях, якія груба парушаюць грамадскі парадак".
Як піша "Наша ніва", затрыманы Сяргей Кабзенка, ураджэнец Узды, былы палітвязень. "Жартаўлівую аб'яву" з "прыкметамі" Лукашэнкі ён калісьці скідаў у адзін з раённых чатаў, сілавікі заўважылі яе толькі цяпер.
![Затрымалі за лістоўкі пра Лукашэнку: "Падазраецца ў антынароднай дзейнасці"](/sites/default/files/styles/default_image_paragraph/public/paragraphs/image/222_25.jpg.webp?itok=VIAy237G)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.