Затрымалі магілёўскую мастачку Крысціну Башарымаву
У Магілёве затрымалі мастачку Крысціну Башарымаву, паведамляе праваабарончы ТГ-канал MAYDAY.
У праўладных тэлеграм-каналах з'явілася "пакаяльнае відэа" з дзяўчынай. Яна кажа, што супрацоўнікі міліцыі затрымалі яе за падпіску на каналы, прызнаныя ў Беларусі экстрэмісцкімі.
Праваабаронцы мяркуюць, што Башарымаву абвінавацяць у распаўсюдзе экстрэмісцкіх матэрыялаў.
Крысціна Башарымава — мастачка і акцыяністка. Тыдзень таму ў Магілёве адбыўся арт-праект THRO, у якім яна прыняла актыўны ўдзел.
