Захараў выказаўся пра затрыманне хакеістаў з гашышам: Вельмі моцна разбіраліся
Галоўны трэнер "Юнацтва" быў госцем праграмы "Маркаў. Нічога асабістага" на тэлеканала АНТ.
Галоўны трэнер "Юнацтва" Міхаіл Захараў быў госцем праграмы "Маркаў. Нічога асабістага" на тэлеканале АНТ. Гаворка ішла пра беларускі хакей, яго перспектывы, пра мінскае "Дынама" і нацыянальную зборную. Было пытанне і пра скандальную гісторыю з затрыманнем 1 красавіка ў Мінску групы хакеістаў "Юніёра" з наркотыкамі, пра што паведамляла міліцыя.
"Гэта гульцы "Юніёра", а не "Юнацтва", — кажа Захараў. — Гэта адна сістэма, але ўсё роўна гульцы "Юніёра"... Мне нават з замежжа тэлефанавалі хлопцы і яны чамусьці прыдумалі, што гэта "Юнацтва" было. І ўсе гаварылі: "Ну як у вас так адбылося?".
...Гэта дзве розныя каманды. Усё ж думаюць, што "Юнацтва" адно. Хаця тут і наша доля ёсць. Што ж атрымаўся непрыемны такі момант. І мы разбіраліся, вельмі моцна разбіраліся: і з дактарамі, і з трэнерамі. Атрымалася як атрымалася... Я шчыра вам скажу, я супраць наркотыкаў. Гэта такая бяда...".