Зацверджаная дамова аб дзяржаўнай мяжы Беларусі і Украіны
Краіны паставілі кропку ў пытанні дамоўна-прававога афармлення дзяржмяжы, заявіў украінскі прэзідэнт Віктар Януковіч.
Подпісы пад пратаколам аб абмене ратыфікацыйнымі граматамі дамовы паміж краінамі аб дзяржмяжы ад 12 траўня 1997 года паставілі міністр замежных спраў нашай краіны Уладзімір Макей і першы намеснік міністра замежных спраў Украіны Руслан Дземчанка. Пры гэтым прысутнічалі кіраўнікі Беларусі і Украіны, інфармуе БЕЛТА.
Варта адзначыць, што Украіна ратыфікавала дамову аб дзяржмяжы неўзабаве пасля падпісання ў 1997 годзе, а вось Беларусь не спяшалася. Раптоўна ўзнікла праблема выплаты нашай краіне запазычанасці ўкраінскіх прадпрыемстваў, якую ўдалося вырашыць толькі ў апошнія гады. Украіна паабяцала кампенсацыю нашай краіне.
Беларусь і Украіна створаць сумесную камісію па дэмаркацыі дзяржаўнай мяжы.
Фота — ktelegraf.com.ua
