Вы тут

Забастоўка кіроўцаў на мінскім хлебазаводзе №3 не пацвердзілася

Страйк кіроўцаў на мінскім хлебазаводзе не пацвердзіўся / Еўрарадыё

Забастоўкі кіроўцаў у мінскім хлебазаводзе №3 няма. Звесткі пра страйк кіроўцаў з'явіліся 27 верасня ў тэлеграм-каналах. Гаварылася, быццам прычынай страйку сталі нізкія заробкі.

Як высветліла Еўрарадыё, кіроўцы ўвогуле працуюць не на заводзе, а на асобным прадпрыемстве, якое адказвае за транспарт усіх мінскіх хлебазаводаў.

Як кажуць у аддзеле кадраў "Мінскхлебпрам-транс", навіну пра забастоўку яны таксама бачылі, пасля чаго абмяркоўвалі з кіраўніцтвам. Інфармацыя не пацвердзілася. Акрамя таго, на прадпрыемстве кажуць, што ніхто не скардзіўся на заробкі. Між тым, машыны з, верагодна, хлебнай прадукцыяй спакойна выязджаюць з завода.

Згодна з апублікаванымі вакансіямі прадпрыемства, заробкі кіроўцаў стартуюць ад 1000 рублёў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.