Затрымалі трэнера ФК "Дынама-Мінск", унука легендарнага футбаліста Мустыгіна
![Артур Мустыгін / dinamo-minsk.by](/sites/default/files/styles/gallery_main/public/2023-09/amu.jpg.webp?itok=8ypSnMZT)
Артур Мустыгін / dinamo-minsk.by
За ўдзел у пратэстах затрымалі трэнера футбольнага клуба "Дынама-Мінск" Артура Мустыгіна. На відэа, якое з'явілася ў адным з тг-каналаў сілавікоў, ён кажа, што працуе з камандай U-17 (футбалісты 2006—2007 гадоў нараджэння): "Займаюся трэнерскай і выкладчыцкай дзейнасцю".
Трэнер паведаміў сілавікам, што ўдзельнічаў у адной паслявыбарчай акцыі пратэсту ў 2020-м, выходзіў на праезную частку вуліц, а таксама дасылаў інфармацыю ў чат-бот ініцыятывы "Голас". Затрыманаму пагражаюць крымінальнай справай.
37-гадовы Артур Мустыгін — унук легендарнага футбаліста Міхаіла Мустыгіна (1937 — 2023), бронзавага прызёра чэмпіянату СССР 1963-га ў складзе мінскага "Дынама", найлепшага бамбардзіра першынства Савецкага Саюза 1962 і 1967 гадоў.
Затрыманні ў беларускім футболе "за палітыку" нярэдкія. Летась за краты трапляў Васіль Хамутоўскі, які ў выніку атрымаў "хатнюю хімію". Сёлета на 2 гады калоніі агульнага рэжыму быў асуджаны дзіцячы футбольны трэнер Алег Швайко.
![Затрымалі трэнера ФК "Дынама-Мінск", унука легендарнага футбаліста Мустыгіна](/sites/default/files/styles/default_image_paragraph/public/paragraphs/image/1234456789.jpg.webp?itok=eU26pL2S)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.