За рэпост з TUT.by магілёўца арыштавалі на 10 сутак
1 лістапада суд Ленінскага раёна Магілёва асудзіў на 10 сутак арышту каардынатара партыі БХД па Магілёўскай вобласці Алега Аксёнава, піша праваабарончы ТГ-канал MAYDAY.
Аксёнава затрымалі 31 кастрычніка. На яго пачалі адміністрацыйную справу паводле арт. 19.11 КаАП (распаўсюд экстрэмісцкіх матэрыялаў). Як заяўляюць праваабаронцы, нагодай стаў рэпост артыкула з партала TUT.by, які ўлады прызналі экстрэмісцкім.
