За месяц ГУБАЗіК прыйшоў да больш за 700 чалавек
Міністр унутраных спраў Іван Кубракоў падобны на "патэнцыйнага радыкала" / sb.by
За месяц у Беларусі супрацоўнікі ГУБАЗіКа прыйшлі да больш за 700 чалавек. Намеснік яго начальніка Міхаіл Бядункевіч у эфіры тэлеканала "Беларусь 1" называе гэта "адпрацоўкай". Кожнага трэцяга (230 чалавек) з іх прыцягнулі да адміністрацыйнай адказнасці, 155 з іх — за "экстрэмізм".
Бядункевіч падкрэслівае, што "зачыстка" праводзіцца па спісе, у які ўключаны беларусы, узятыя на ўлік "за радыкальныя погляды". У ГУБАЗіКу мяркуюць, што "прэвентыўныя мерапрыемствы" не дазваляюць "патэнцыйным радыкалам" пераходзіць да актыўных дзеянняў.
