Вы тут

Японія ўвядзе санкцыі супраць беларускага банка

Японія працягвае пашыраць санкцыі супраць уладаў Беларусі / Ілюстрацыйнае фота pixabay.com

Японія ўвядзе санкцыі супраць аднаго беларускага і двух расійскіх банкаў. Прычына — расійская агрэсія супраць Украіны. Як паведамляе МЗС Японіі, пад санкцыі трапіць Беларускі банк развіцця і рэканструкцыі (іншая назва — "Белінвестбанк"). Яго актывы "замарозяць", а здзяйсняць здзелкі і праводзіць плацяжы з ім можна будзе толькі з дазволу японскіх уладаў.

Санкцыі пачнуць дзейнічаць з 7 ліпеня.

Нядаўна "Белінвестбанк" трапіў пад санкцыі Еўрасаюза.

У сакавіку 2022-га Японія пашырыла санкцыі супраць уладаў Беларусі. У траўні Японія і ЕС разам асудзілі рэжым Аляксандра Лукашэнкі за садзейнічанне расійскай агрэсіі супраць Украіны.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.