Як спагнаць з КДБ кампенсацыю за ўтрыманне ў СІЗА?
З затрыманых па “справе патрыётаў” актывістаў зарэгістраванай у Чэхіі арганізацыі “Малады фронт” знялі абвінавачванне ў “арганізацыі масавых беспарадкаў”. Апроч таго, “маладафронтаўцы” атрымалі з КДБ афіцыйную паперу з паведамленнем, што ў дачыненні да іх спынены крымінальны пераслед. Ці будуць актывісты МФ спрабаваць спагнаць кампенсацыю з КДБ за беспадстаўнае ўтрыманне іх у СІЗА і як гэта юрыдычна правільна зрабіць? Ці былі ўжо такія выпадкі і чым яны скончыліся? На гэтыя ды іншыя пытанні ў жывым эфіры Еўрарадыё адкажуць юрыст Тамара Сідарэнка і цяпер ужо былы фігурант “справы патрыётаў” Арцём Леўчанка.
