Як штурмавалі Майдан і адміністрацыю Кіева. ФОТАРЭПАРТАЖ
А 1-й гадзіне ночы 11 снежня ўкраінскія ўлады пайшлі ў наступ на Майдан. Пасля некалькіх гадзін драматычнай абароны рэвалюцыянеры здолелі выстаяць.
Перашкодай на шляху "Беркута" былі барыкады. Іх знішчалі любымі сродкамі.
Трапіўшы на Майдан, спецназаўцы пачалі знішчаць намёты.
Барыкады падпальвалі, стараючыся адагнаць ад іх мітынгуючых.
У штурме Майдана ўдзельнічала да трох тысяч міліцыянераў.
Не абышлося без ужыцця сілы, хоць "Беркут" дзейнічаў без дубінак.
Усю ноч колькасць мітынгуючых узрастала. Людзі з'язджаліся з усіх раёнаў Кіева.
Улады выкарысталі дымавыя шашкі і слезацечны газ.
Рэшткі намётаў і барыкад прыбіралі камунальнікі.
"Беркуту" не ўдалося цалкам выціснуць пратэстоўцаў з плошчы. Удзень міліцыянты ўвогуле сышлі з Майдана праз вялікую колькасць дэманстрантаў.
"Беркут" на месцы, дзе яшчэ нядаўна стаялі намёты пратэстоўцаў.
Каля 9-й гадзіны раніцы "Беркут" паспрабаваў узяць штурмам гарадскую адміністрацыю, захопленую рэвалюцыянерамі.
Аднак аўтобусы з міліцыянтамі ўзялі ў аблогу дэманстранты.
У нейкі момант у небяспеку трапілі самі міліцыянты.
Адзін з іх аўтобусаў нават быў падпалены.
Праз паўгадзіны няўдалага штурма міліцыянты з'ехалі ад будынка адміністрацыі Кіева.
