The Washington Post: "Ціханоўская — на перадавой барацьбы дэмакратыі і дыктатуры

Святлана Ціханоўская пачне працоўны візіт ў ЗША 18 ліпеня. У яе запланавана наведванне Вашынгтона, Нью-Ёрка і Каліфорніі, а таксама плануецца візіт у Белы дом і сустрэчы з высокапастаўленымі чыноўнікамі. У сувязі з гэтым, выданне The Washington Post прысвяціла візіту цэлую рэдакцыйную калонку.

У артыкуле адзначаецца, што "афіцыйная сустрэча Джо Байдэна і Святланы Ціханоўскай у Белым доме — гэта магчымасць для прэзідэнта ЗША прадэманстраваць народу Беларусі і ўсяму свету тое, што ЗША гатовыя бараніць дэмакратыю і супрацьстаяць аўтакратам не толькі ў выпусках навін". 

 "Ні адзін іншы госць Белага Дома не зможа валодаць больш вялікім сімвалізмам і змястоўнасцю ў гэтым супрацьстаянні",  — адзначае выданне.