Святлана Ціханоўская ў нядзелю ляціць у ЗША
Святлана Ціханоўская / twitter.com/franakviacorka
У нядзелю 18 ліпеня пачынаецца паездка ў ЗША Святланы Ціханоўскай, паведаміў у Twitter яе дарадца Франак Вячорка.
"Ну нарэшце! Святлана Ціханоўская наведвае Вашынгтон, акруга Калумбія, 18-23 ліпеня", — напісаў ён.
Паводле яго слоў, у Ціханоўскай запланаваныя сустрэчы ў Дзяржаўным дэпартаменце, Белым доме і Сенаце ЗША. Пра сустрэчу з прэзідэнтам Джо Байдэнам не паведамляецца.
Finally! Sviatlana @Tsihanouskaya visits Washington D.C. on July 18-23. She will have meetings with the @StateDept and @WhiteHouse, @USSenate, @USAID. Will speak at @AtlanticCouncil and @freedomhouse. This Sunday — come to greet her at Freedom Plaza, 1pm. pic.twitter.com/ql8Rf5ba5n
— Franak Viačorka (@franakviacorka) July 16, 2021
Раней прэзідэнт ЗША Байдэн ужо выказваўся па беларускай тэматыцы, выступаў супраць парушэнняў правоў чалавека. Яшчэ будучы кандыдатам у прэзідэнты мінулай восенню ён казаў, што міжнародная супольнасць павінна "значна пашырыць санкцыі ў дачыненні да падручных Лукашэнкі і замарозіць рахункі ў афшорах, дзе яны захоўваюць свае скрадзеныя багацці".
На нядаўняй сустрэчы з прэзідэнтам Расіі Уладзімірам Пуціным ён таксама спрабаваў падняць беларускае пытанне, але выніковага працягу гэтая размова не мела.
