Вызвалены ад пасады начальнік Генштаба Узброеных сіл Беларусі
![Віктар Гулевіч](/sites/default/files/styles/gallery_main/public/2024-05/gul.jpg.webp?itok=61JM0_9o)
Віктар Гулевіч / БЕЛТА
Начальніка Генштаба Узброеных сіл Беларусі, першага намесніка міністра абароны генерал-маёра Віктара Гулевіча вызвалілі ад пасады і звольнілі з вайсковай службы ў запас "па ўзросце з правам нашэння вайсковай формы адзення і знакаў адрознення". Ён займаў яе крыху больш за тры гады.
14 траўня Гулевічу споўніцца 55 гадоў. Ён — ураджэнец Случчыны. Першую вайсковую адукацыю атрымаў у Расіі.
Віктар Гулевіч — фігурант заходніх санкцыйных спісаў з-за дачынення да агрэсіі Расіі супраць Украіны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.