Выйграй два квіткі на фэст "Можно!"

Еўрарадыё распачынае новую традыцыю — хадзіць на канцэрты разам з вамі. Сёння разыгрываем 2 квіткі на фестываль актуальнай беларускай музыкі “МОЖНО!”. Дашліце на наш мэйл [email protected] (у тэме пазначце “Можна”) невялічкую фантазію на тэму “Што вы хочаце, каб у Беларусі было можна?”.

Усе вашыя лісты будуць агучаны ў жывым эфіры Еўрарадыё сёння, 21 студзеня, з 22 да 23 гадзіны і аўтар самага цудоўнага з іх атрымае 2 квіткі на фэст.

Нагадаем, фэст пачнецца 22 студзеня а 20:00 ў мінскім клубе “Рэактар” і будзе доўжыцца 10 гадзінаў. Сярод удзельнікаў Серебряная свадьба, НагУаль, Аддиc Абеба, Кассиопея, PortMone, CherryVata, Botanic Project, RockerJoker, Мох.

Еўрарадыё пра фэст: Упершыню ў Беларусі “МОЖНО!”
Афіцыйная старонка фэсту: http://www.bo-promo.com/mozhno/