Выстава Бэнксі ў Маскве адмяняецца
Выстава "Бэнксі. Рэтраспектыва" мусіла адбыцца ў маскоўскай зале "Манеж".
Па словах прэс-службы "Манежа", некаторыя ключавыя брытанскія ўладальнікі твораў Бэнксі адмовіліся ад свайго ўдзелу ў праекце па незалежных ад арганізатараў прычынах. Гэтая адмова робіць выставу немагчымай, адзначае ВВС.
Выстава была прызначаная з 25 верасня па 19 кастрычніка. Яна мусіла стаць першай у свеце маштабнай рэтраспектывай Бэнксі — вядомага брытанскага стрыт-мастака. На ёй планавалася выставіць больш за 130 яго твораў, выкананых у розных тэхніках.
Фота — re-actor.net