Выпускнікі акадэміі ФСБ будуць ахоўваць беларускую мяжу
У Калінінградскім памежным інстытуце ФСБ Расіі прайшоў выпускны.
Афіцэрскія пагоны і дыпломы атрымалі лейтэнанты, паведамляе “Расійская газета”.
Нядаўнія курсанты-расіяне будуць праходзіць службу ў памежных органах ФСБ Расіі. Беларусы, якія вучыліся з расіянамі ў адных групах, будуць ахоўваць мяжу Беларусі. Выпускнікі нацыянальных груп адправяцца служыць у памежныя органы Туркменіі, Таджыкістана, Арменіі, Казахстана і Манголіі.
Акадэмія рыхтуе спецыялістаў аператыўна-службовай дзейнасці, а таксама адмыслоўцаў па эксплуатацыі сродкаў аховы мяжы. Выпускнікі будуць праходзіць службу як на камандных пасадах, так і на інжынерных.
