Вынік Алімпіяды: Беларусь заняла 16-е месца ў медальным заліку

Алімпійская зборная Беларусі заняла 16-е месца ў агульнакамандным медальным заліку ХХIХ летняй Алімпіяды-2008 у Пекіне. На Гульнях-2008 больш за усіх узнагарод вышэйшай вартасці заваявалі кітайскія спартоўцы - 51. Акрамя таго, гаспадары Алімпіяды атрымалі 21 срэбных і 28 бронзавых медалёў - агулам роўна 100 узнагарод. Амерыканскія атлеты заваявалі 110 медалёў (па 36 золата і бронзы і 38 срэбра), а расіяне вязуць з сабой 72 медалі (23, 21, 28). Усяго на алімпійскі пастамент падымаліся прадстаўнікі 87 алімпійскіх дружын.

БелТА