Вынесены прысуд за забойства 3-гадовага сына: бацьку — расстрэл
![Анастасія і Аляксандр Таратуты](/sites/default/files/styles/gallery_main/public/2023-10/1w0ptrkp6h9k7s583vp18e7i3lxy4k25.jpg.webp?itok=09rjNcp3)
Анастасія і Аляксандр Таратуты / sb.by
19 кастрычніка ў судзе Слуцкага раёна вынеслі прысуд бацькам, якія забілі трохгадовага сына. 48-гадовы Аляксандр Таратута асуджаны на смяротнае пакаранне. 37-гадовая маці хлопчыка Анастасія Таратута адправіцца ў калонію строгага рэжыму на 25 гадоў. Яе чакае і лячэнне ад алкагалізму. Прысуд цалкам адпавядае запыту пракурора.
Таратуты забілі свайго маленькага сына Сямёна ў пачатку 2023 года на вачах у іншых сваіх дзяцей. У матэрыялах справы гаворыцца, што абвінавачаныя, "будучы п'янымі, на глебе непрыязных адносін да свайго сына нанеслі рукамі, нагамі, цвёрдым тупым прадметам не менш за дзевяць удараў, з якіх не менш за сем — па галаве". Ад збіцця хлопчык памёр на месцы. Муж і жонка не толькі білі дзіця. Раней у судзе адглядалі відэа, якое здымалі самі абвінавачаныя, — як дражнілі галоднага хлопчыка ежай. Псіхолага-псіхіятрычная экспертыза прызнала іх адэкватнымі.
Траіх дзяцей ва ўзросце 1, 4 і 13 гадоў пасля арышту бацькоў адправілі ў прытулак.
![Вынесены прысуд за забойства 3-гадовага сына: бацьку — расстрэл](/sites/default/files/styles/default_image_paragraph/public/paragraphs/image/Sl1.jpg.webp?itok=zqfic016)
![Вынесены прысуд за забойства 3-гадовага сына: бацьку — расстрэл](/sites/default/files/styles/default_image_paragraph/public/paragraphs/image/Sl2.jpg.webp?itok=XqDztor1)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.