Вярхоўны суд адхіліў апеляцыю брастаўчаніна Аляксандра Кардзюкова

Вярхоўны суд адхіліў апеляцыю Аляксандра Кардзюкова — сябра забітага брэсцкага пратэстоўца Геннадзя Шутава, паведамляе Генпракуратура. За нібыта замах на забойства сілавіка і супраціў пры затрыманні ён атрымаў 10 гадоў узмоцненнага рэжыму.

На судзе выявілася, што вайскоўцы сілаў спецыяльных аперацый у той дзень дзяжурылі ў Брэсце з баявой зброяй. У выніку канфлікту Шутава застрэлілі, а Кардзюкова затрымалі праз пэўны час. 

Суд прызнаў забітага Шутава віноўным і вынес яму прысуд без прызначэння пакарання.