“Все в мастях”: як гангста-рэпер Сіроп пракаціўся па Мінску ў калясцы з крамы

“Все в мастях”: як гангста-рэпер Сіроп пракаціўся па Мінску ў калясцы з крамы

Раніцай 13 ліпеня ў пачатку вуліцы Кастрычніцкай у Мінску пачала збірацца сумнеўная публіка. Ва ўсіх ёсць “асаблівыя прыкметы”: хаця б адна татуіроўка. Крыху ўбаку ад людзей стаіць гангста-рэпер Сіроп. Дзеля здымкаў кліпа “Все в мастях” на яго яшчэ не выдадзены трэк тут, уласна кажучы, усе і сабраліся.

Песня “Все в мастях” — аўтабіяграфічная, Сіроп напісаў яе падчас апошняй адседкі. Увогуле, упершыню за апошнія 20 гадоў музыка цэлы год пратрымаўся на волі. Здымкі прымеркаваныя менавіта да гэтай падзеі.

“Все в мастях”: як гангста-рэпер Сіроп пракаціўся па Мінску ў калясцы з крамы
“Все в мастях”: як гангста-рэпер Сіроп пракаціўся па Мінску ў калясцы з крамы

"Песня атрымалася вясёлая. Здымаючы відэа, хацелася захаваць гэтую атмасферу, таму сцэнарый вырашылі падрабязна не распісваць, — распавядае Еўрарадыё Яўген Калмыкоў, прадзюсар Сіропа. — Можна сказаць, што гэта быў перформанс з вялікай масоўкай. Праз сацсеткі мы паклікалі на здымкі ўсіх неабыякавых да творчасці Сіропа".

На здымках былі людзі ў касцюмах і масках, на іх кідалі канфеці і разлівалі піва. І ўсё гэта — пакуль сам Сіроп з важным відам катаўся на калясцы з гіпермаркета. Назва трэка прасіла, каб у кадрах былі татуіроўкі — і яны былі! Акрамя таго, што прынеслі на сабе акцёры, у кліпе выкарыстоўваліся аўтарскія малюнкі Алега Навальнага [брата расійскага палітыка Аляксея Навальнага, — Еўрарадыё]. Алег ухваліў гэта — яму падабаецца творчасць Сіропа, таму ён пагадзіўся на калабарацыю. 

“Все в мастях”: як гангста-рэпер Сіроп пракаціўся па Мінску ў калясцы з крамы
“Все в мастях”: як гангста-рэпер Сіроп пракаціўся па Мінску ў калясцы з крамы
“Все в мастях”: як гангста-рэпер Сіроп пракаціўся па Мінску ў калясцы з крамы

Рэжысёрам новага відэа выступіў Арсеній Калмыкоў, а ў якасці аператараў працавалі Андрэй Астроўскі і Алёна Ходар. Калі выйдзе новае відэа Сіропа — трымаецца ў таямніцы.

“Все в мастях”: як гангста-рэпер Сіроп пракаціўся па Мінску ў калясцы з крамы

Апошнія навіны

Галоўнае

Выбар рэдакцыі